SUXESTIÓNS PARA O VERÁN 2024

 

Neste curso traballamos e aprendemos moitísimo, agora queremos divertirnos: queremos xogar, ler, cantar, pasear, ir a sitios novos... Pero tamén imos deixar un tempiño para facer algunha  tarefa e así comezar con ilusión e seguridade 4º. 

 

Na aula virtual podedes acceder a diferentes actividades online.

 

   FELICES  VACACIÓNS!!!
VÉMONOS   EN  SETEMBRO!

DESPEDIMOS O CURSO

Últimas horas en TERCEIRO:

- Presentación dun telexornal e pasapalabra moi especial:

- Circuito con xogos de auga: lanzamento de globos nunha roda, pistolas de auga e xogo das esponxas.

- Merendola compartida:

- Cantamos, bailamos, xogamos...

- Apertas, felicitacións e despedidas.

 

O verán xa chegou...haberá diversión, lectura, diarios de verán, sol, praia, deporte e voltaremos, pero xa estaremos en CUARTO. Pasamos o ECUADOR DE PRIMARIA.

ÚLTIMOS DÍAS EN 3º

Estes últimos días do curso recollemos e organizamos os  materias empregados durante o curso escolar 2023/2024. Moito traballamos!!!

Tamén  rematamos tarefas e ordenamos as actividades. Aproveitamos para comentar e avaliar proxectos, ilusións, amizades, cumprimento de normas, logros...

 

Hoxe levamos os nosos traballos nunhas bolsas personalizadas cos debuxos do gran equipo que formamos os tres grupos de 3º.👏👏👏

ACOLLIDA EN 3º

As nenas e os nenos de 2º visitaron as clases de 3º como parte do PLAN DE ACOLLIDA. Tocounos ser anfitrioas e anfitrións, amosámoslles as aulas que ocuparán o próximo curso.
Ensinámoslles os nosos materiais: as libretas, os arquivadores, os  traballos, o globo terráqueo, os mapas...os traballos de Plástica... 

Intentamos respostar as súas curiosidades. 

 

Tamén falamos das axendas de 3º e as diferenzas coas de 2º, sen esquecer que temos unha axenda de aula para anotar os avisos importantes a recordar.

 

 

Esperamos que lles gustará a visita e desexámoslles o mellor para o próximo curso.

 

EDUCACIÓN VIAL EN LSE

Traballamos vocabulario relacionado coa educación e seguridade vial.

Iria, a nosa intérprete de LSE do cole, axudounos coa interpretación deste vocabulario en LSE.

Despois todo 3º participou nunha gravación para engadir o banco de recursos do noso cole.

Foi unha experiencia moi enriquecedora.

O día 14 de xuño celébrase o DÍA NACIONAL DAS LINGUAS DE SIGNOS ESPAÑOLAS. Na aula virtual está colgada unha recompilación do vocabulario en LSE relacionado cos proxectos e unidades de indagación desenvolvidas en todas as aulas do centro no último trimestre.

SAÍDA A STA. TEGRA

E chegou o esperado día da última saída deste curso. Unha excursión completa a un lugar especial.

Comezamos cunha visita guiada polo castro de Sta. Tegra. Escoitamos con interese as explicacións do monitor, percorrimos o castro e visitamos unha das "pallozas" reconstruídas.

Despois, fixemos unha boa camiñata polo monte e visitamos o Museo. 

Seguimos con curiosidade un obradoiro "prehistórico":

-Mural coas nosas mans con tintes e pinturas naturais empregando un "spray" feito tamén con elementos naturais. 

-Moi atentas e atentos, observamos como facer lume...o resultado foi sorprendente.

E chegou o momento de repoñer forzas, compartir xogos e diversión.

Pasámolo xenial!!!

 

 

OBRADOIRO DE LETTERING

Un grupo de nenas e nenos animouse nuns recreos a realizar actividades plásticas de coloreado e iniciación na técnica lettering. Agradecemos a profe Tati eses momentos tan entretidos😉

VISITA AO HORTO DO COLE

Un grupo de compañeiras e compañeiros de 5º que participou na actividade de HORTO ESCOLAR durante este curso dirixidos pola profe Maite Vázquez, acompañaron o  noso percorrido polo Horto de Ti e Ta con explicacións e detalles do seu funcionamento.

Falaron das normas de uso e comportamento, a elaboración do compost, déronnos unha breve explicación sobre plantas (partes, clasificación, usos...) e observamos os diferentes bancais. 

 

Grazas compas pola vosa aportación e o tempo adicado.👏👏👏

 

VILANOTICIAS CIENTÍFICAS

O alumnado de Proxecto Competencial, entre outras actividades, realizou un "telexornal científico" con información de mulleres científicas galegas.

Esa presentación témola compartida na aula virtual.

 Algunhas imaxes dos preparativos: