domingo, 9 de marzo de 2025

AS PAISAXES: falamos e lemos sobre elas, investigamos! 🌄

O tema das paisaxes axúdanos a practicar vocabulario e expresión oral en galego para falar de viaxes ou excursións a diferentes lugares. Nestas actividades interactivas podedes repasar algún vocabulario e o verbo ir que estivemos practicando na clase:

https://www.liveworksheets.com/es/node/3568578

 

Ademáis, das descricións de lugares e de analizar lecturas con mapas e roteiros. Proximamente prepararemos cousiñas sobre parques naurais, deixámosvos por aquí ligazóns que poden ser de interese 

https://patrimonionatural.xunta.gal/gl/parques-naturais

 🌳⛺

 

 

jueves, 6 de marzo de 2025

CHARLA SOBRE ALIMENTACIÓN SAUDABLE

Fai uns días tivemos unha charla coa nutricionista Inés e a S.D. Teucro. Nela aprendimos sobre hábitos alimenticios saudables e sobre a importancia da actividade física diaria. Ademais de darnos ideas sobre comidas sans e equilibradas, tamén nos agasallaron cun almorzo con moita froita!

GRAZAS POLAS ENSINANZAS!


 

 

ENTROIDO DE CINE: MINIONS 🍌

Por 4º o alumnado estivo moi atarefado preparando disfraces, elaborando e gravando o xuízo a Vilaverdiño e deseñando as plumas para vestilo.

 


 

 Tamén tivemos tempo para ensaiar unha coreografía para bailar o día do desfile, estes minions de 4º teñen moito ritmo!


 

 

lunes, 17 de febrero de 2025

CASTELAO E O CAFÉ MODERNO

O pasado venres realizamos unha saída ao Café Moderno. Alí realizamos un roteiro e un obradoiro sobre Castelao.

Á vez que percorríamos as diferentes salas, coñecemos a historia deste polifacético autor. Foi médico, escritor, pintor, político e ata escenógrafo! 

Tamén tivemos a oportunidade de aprender sobre a nosa cidade, un referente cultural para Castelao e demais personaxes da súa época. Sabiades que o Café Moderno foi o primeiro cine de Pontevedra? 🎦

Tamén vimos estes carteis que falan do Estatuto...que mensaxe quererán transmitir? 


 A saída completouse cun obradoiro sobre unha técnica artística baseada no gravado en linóleo, empregada moito por Castelao. Mirade que interesante!




 

AS PAISAXES: Describímolas 🌄

Por 4º andamos aprendendo sobre as paisaxes de Galicia. Aproveitamos o tema para practicar as descricións de lugares. Escribimos varias delas con actividades diferentes, a partir de fotografías, inventando cidades e vilas ou dándolle forma de "folleto de viaxe" por grupos.

 

Deixámosvos por aquí cousiñas importantes para que repasedes:

Partes da descrición dun lugar:

1º Que lugar é? (praia, illa, cidade...)

2º Onde se atopa ?

3º Que elementos ten? (Seguir orde e engadir detalles)

4º Que sensacións nos produce ese lugar?

Vocabulario que podemos empregar:


 Trucos máxicos para revisar o noso texto:

🌟  Comprobar que non repetimos palabras.

🌟  Engadimos detalles : practicade aquí 

 🌟 Usamos conectores (ademais, tamén, entón, etc.).

🌟  Usamos signos de puntuación traballados.

🌟  Revisamos as tils e as faltas ortográficas.

 

 


PREPARANDO UN ENTROIDO DE CINE! 🎦

Febreiro é un mes cheo de conmemoracións e unha das que máis nos gusta é o ENTROIDO

Xa temos a película elixida e xa andamos a preparar as disfraces que lle darán vida. A nosa pel xa vai mudando e tornou algo amarela.....en que nos convertiremos?

Ademais , este curso somos as encargadas e encargados de preparar o XUÍZO ao Galo Vilaverdiño. As clases de 4º fomos creando varias estrofas e xa case o temos listo. Só nos queda gravarnos para que todos os cursos do colexio nos acompañen no recitado das rimas !


 

 

 

jueves, 30 de enero de 2025

OBRADOIROS CRUZ VERMELLA: AS EMOCIÓNS E AS HABILIDADES SOCIAIS

Esta semana o alumnado de 4º tivemos un obradoiro coa CRUZ VERMELLA sobre emocións e habilidades sociais.

Reflexionamos sobre a importancia da autoestima e das habilidades para relacionarnos cos demais. Tamén falamos sobre diferentes emocións como a alegría, o medo, a tristeza, a ansiedade, a envexa, a frustración... Ofrecéronnos pautas para superar momentos nos que sentimos frustración ou ansiedade. Mesmo falamos un pouco sobre o uso de aparellos electrónicos e o acceso a internet, lembrando pautas de seguridade na rede.